Catatan Jaga malam JiwinD

Rumah Sakit Tentara Wirasakti-Ruang Bogenvil no.6, 12 Januari 2013 jam 02.11 pagi

Kalau saja, beta punya Tuhan Yesus pung no HP

B bakal SMS BIG BOS...kalau beta punya bnyak hal yang beta mau omong

Tapi, orang bilang kalau punya Papa JC pung no HP,

Yah...telpon langsung sa to..

Hnya saja..beta baru sadar..b anak kici begini,..

B takut pas omong b tasalah kata dengan Bapatua na repot su...

Itu..kalau seandainya.. ^_^

Yang sebenarnya, beta cuma mau sms ;                               

Papa JC, terima kasih su kasih b malaikat paling cantik yang b panggil dia mama..

Terima kasih su kasih biar beta lahir dari seorang perempuan yang tegar dan tegas..sekaligus lembut

Tuhan Yesus,terima kasih masih kasih berkat deng cinta di ketong...makanya sampai ini detik..

Beta masih bisa liat deng becerita deng b pung malaikat cantik ini...

Trus...beta sms lanjut..

Beta tau, Papa JC masih sayang ketong deng kasih ini dokter deng perawat donk rawat mama..

Beta tau, Papa JC masih jaga ketong, makanya b masih liat b pg mama pg muka tidur...walaupun kening deng bnyak kerutan..

Papa JC, beta tau...tapi bolehkah b minta satu le... biar ini malam..

B pung malaikat tersayang ne...bisa tidur nyenyak...tanpa harus rasa dia pung sakit..

B sonde minta bnyak-bnyak Papa sayang...

B hanya minta itu sa...

Kalaupun, b telpon BIG BOS...

B hanya berani bilang... Engkaulah Sang Pemilik kehidupan ini..

Jadilah padaku..menurut kehendakMu.......

^_^

Di ini pagi....mungkin b agak flay deng tulis ini puisi atau ctatan..

Tapi ini pagi... beta tau...b masih dicintai...makanya b tulis ini...

Yang beta tau, beta punya Bapa Sorgawi yang luar biasa cintaNya...

Selamat pagi Bapa...Selamat Pagi Tuhan Yesus...selamat pagi Roh Kudus...

Kemuliaan di tempat yang maha tinggi, hnya bagiMu...